Një skenë e ngjajshme me filma aksion është zhvilluar në Lezhë me të përfshirë policinë e këtij qyteti një 41-vjeçar të armatosur që bëri rezistencë duke mos iu bindur urdhrit për të ndaluar Bëhet fjalë për shtetasin Arben Mhillaj, një personazh me precedentë të theksuar penalë për kanosje dhe kundërshtim të forcave të rendit. Gjithçka ka nisur në fshatin Torovicë, ku uniformat blu kishin siguruar informacion në rrugë operative se një person i rrezikshëm po qarkullonte i armatosur. Në momentin që efektivët i kanë bërë shenjë ndalimi, 41-vjeçari ka shkelur gazin e makinës së tij të blinduar, duke rrezikuar jetën e punonjësve të policisë dhe duke u larguar me shpejtësi. Policët janë vënë në ndjekje të tij në rrugët e fshatrave të Lezhës duke e bllokuar në fshatin Malecaj. Gjatë tentativës për t'i shpëtuar ndjekjes, Mhillaj ka hedhur nga dritarja e blindit një armë zjarri pistoletë. Arben Mhillaj është vëllai i Florin Mhillaj, 36 vjeç, në kërkim ndërkombëtar nga policia pasi dyshohet si autori kryesor i masakrës "Balldren ku mbetën të vrarë çifti i bashkëshortëve Kreshnik dhe Gentjana Mujeci.