Deri dje mendohej se laburistët do humbisnin keq në zgjedhjet lokale të 7 Majit, por që Laburistët në pushtet të përfundonin partia e tretë në shkallë vëndi për nga vëndet e fituara në pushtetin lokal, dhe të humbisnin në Uells, dhe të dalin partia e tretë në Skoci, është thjesht e paimagjinueshme, vetëm dy vjet pas fitores spektakolare në zgjedhjet e përgjithshme. Fituesit e vërtetë të këtyre zgjedhjeve janë partia “Refoma”, e populistit Nigel Farage, ndërkohë konservatorët kanë hapur kapun e arkivolit të tyre politike, kur mendohej se do ishin të vdekur por të pakallur. Kryeministri laburist Starmër, është duke përjetuar Starmagedonin e tij politike, edhe pse ka dekluar se nuk do largohet nga posti. Por është reagimi i deputetëve të tij në grupin parlamentar ajo që ka më shumë rëndësi për avenirin poltik të kryeministrit, pasi në fund të fundit ata janë gjykatësi, juria edhe ekzekutori i Kryeministrit laburist dhe e ardhmja e tij në fund të fundit eshtë në duart e tij. Zgjedhjet lokale bënë që laburistët të humbasin deri më tani thuajse gjysmën e vëndeve, ndërkohë partia “Reforma” e Farage arrin fitore masive për të dytin vit rradhazi,me dyfishin e vëndeve në pushtetin lokal se laburistët. Vota në rang vëndi duket se e vendos partinë e Brexit-it, c’ka realisht është, në kuotën e 27 për qind të votës në shkallë vendi, dhe konservatorët e qëndrës së djathtë në 20 per qind , nderkohë laburistët në vënd të tretë. Laburistët kanë humbur më keq në zonat elektorale që dikur kanë qënë bastionet e tyre në rajonet industriale, dhe vota në rradhët e klasës puntore është historikisht per Partine Laburiste, ose ne shqip, Partinë e Punës. Laburistët humbën Uellsin në zgjedhjet rajone një bastion që e kanë kontrolluar prej 100 vjetësh. Ndërkohë janë të tretët në Skoci. Sistemi dypartiak në Britani është shkërmoqur këtë të premte në testin më të rëndësishëm të opinionit publik, përpara zgjedhjeve të përgjitshme të vitit 2029, ku pak besojnë se Laburistët do shkojnë me të njëjtin lider, kryeministrin aktual, i cili sipas sondazheve të opionint public, kryeministri Starmër rezulon me mbështetjen më të keqe për të gjithë liderët e Britanisë deri me sot.