Pas një seance maratonë 12 prej orësh, mazhoranca rrëzoi kërkesën e opozitës ngritjen e komisionit hetimor për ARRSH me 75 vota kundër. Po ashtu, u rrëzua me 76 vota kundër dhe 28 vota pro kërkesa për komisionin hetimor parlamentar për AKSHI. Kuvendi miratoi projektligjin për parandalimin e pastrimit të parave me 76 vota pro dhe atë për portet turistike. Pas debateve gjatë ditës, nuk munguan përplasjet as në mbrëmje. Deputeti socialist, Erion Braçe tha në Kuvend se në Shqipëri “pastrohen paratë e pista”, por sipas tij, ky është fenomen edhe në vendet fqinje. “Edhe Vatikani ishte në listën gri për pastrimin e parave të pista. Nuk e bën dot këtë debat, sill sa të duash fakte dhe argumente, është e vështirë. Është e kotë, thuaj sa të duash janë angazhuar një mori me institucione, lexo sa të duash rreshta që thotë kemi dalë nga lista gri, prapë është e kotë, ju vazhdoni ta bëni këtë gjë. Po, në Shqipëri pastrohen para të pista nga mëngjesi në mbrëmje. As se mohon dot kërrkush. A luftohet ky fenomen? Po”