Të gjitha partitë politike në Kuvendin e Shqipërisë u dakortësuan në një deklaratë përmes të cilës shprehën indinjatën e thellë dhe mos-dakordësinë e plotë duke e quajtur thellësisht të padrejtë vendimi e marrë në Hagë, ndaj katër ish drejtuesve të UCK-s. Kuvendi i Shqipërisë rithekson një të vërtetë historike që nuk mund të relativizohet: lufta e Ushtrisë Çlirimtare të Kosovës ishte luftë për lirinë dhe çlirimin e Kosovës. Ishte lufta e një populli për t’i dhënë fund represionit, dhunës dhe përndjekjes dhe për të fituar të drejtën për të jetuar të lirë në vendin e vet. “Hashim Thaçi, Kadri Veseli, Rexhep Selimi dhe Jakup Krasniqi janë të pandashëm nga kjo histori, nga lufta për çlirim dhe nga rrugëtimi i Kosovës drejt lirisë, pavarësisë dhe shtetësisë së saj” thuhet në këtë deklaratë.