Kur një grup deputetësh të opozitës i kërkuan Gjykatës Kushtetuese të pezullojë miratimin e marrëveshjes për emigrantët me Italinë, një kërkesë e ngjashme u depozitua edhe nga Lulzim Basha, në funksionin e kryetarit të Partisë Demokratike. Por ndryshe nga kërkesa e deputetëve, e cila u mor parasysh dhe do të shqyrtohet pas gati 1 muaji, pra në datë 18 janar; padia e zotit Basha u rrëzua duke mos u kaluar në seancë plenare. Top Channel kishte paralajmëruar një lëvizje të tillë të Gjykatës Kushtetuese, kur mësoi se gjykata i kishte kërkuar PD-së zyrtare plotësimin e dokumentacionit që rezultoi se ishte firmosje më e qartë. Janë 2 argumentat kryesorë që kanë dhënë gjyqtarët për të nos legjitimuar Partinë Demoktatike me Lulzim Bashën si kërkues. Së pari, se kërkesa e tij nuk lidhet drejtpërsëdrejti me një interes të prekur të kësaj partie e cila kërkoi shpalljen si antikushtetues së marrëveshjes Rama - Meloni pa patur firmat e nevojshme të deputetëve. Aktualisht, zoti Basha ka rreth 10 deputetë që e mbështesin, ndërsa për të depozituar një padi në Gjykatën Kushtetuese duhen, të paktën, firmat e 28 deputetëve. Se dzyti Gjykata sjell në vëmendje se në rastin e marrëveshjes së detit, kërkesa u depozitua nga kryetari i PS, por shembulli nuk ngjason. “Ne ate rast, Giykata legitimoi partine politie parlamentare ne kontekstin e nje situate te veçante institucionale qe lidhej me procedurat ne zhvillim e siper te konstituimit te legislatures sẽ re parlamentare dhe verifikimit te mandateve te reja te deputeteve.”- sqaron Gjjykata Kushtetuese, duke rrëzuar kërkesën e “Lulzim Bashës për të qenë palë në gjykimin e marrëveshjes së detit. Marrëveshja me Italinë për emigrantët është një nga cështjet më të rëndesishme të Gjyjatës Kushtetuese, e cila pak ditë më parë e pezulloi miratimin derisa të shprehet me vendim përfundimtar.