"Shkelësit në media" quhet nënfaqja e re që Shtëpia e Bardhë ka celur në faqen e saj të internetit me një qëllim të qartë: Ajo ka nisur një program gjurmimi për të analizuar çdo javë mediat, dhe artikujt që kritikojnë administratën e Trumpit do të klasifikohen si "gënjeshtër" ose "paragjykim". Nënfaqja në fjalë rendit faqet e gazetave, reporterët dhe historitë që pretendohet se kanë mashtruar publikun. Publikimet kryesore të konsideruar si "shkelës në media të javës" ishin Boston Globe, CBS Neës dhe Independent. Gazetarët e këtyre mediave konsideruan si shkelës për historitë që kishin publikuar rreth një videoje të publikuar javën e kaluar nga gjashtë deputetë demokratë. Deputetët, të gjithë veteranë të ushtarisë ose ish-zyrtarë të shërbimeve sekrete, u kujtuan punonjësve të këtyre shërbimeve se nuk janë të detyruar të ndjekin urdhra të paligjshëm. Veprimet e tyre, president ii përshkroi si "kryeneçësi" dhe "tradhti". Faqja e 'shkelësve në media' përmban një "sallë turpi për shkelësit" me një listë historish që Shtëpia e Bardhë i konsideron si të pavërteta. Çdo histori shpjegohet dhe klasifikohetnë kategori të tilla si "gënjeshtër", "mungesë konteksti" ose "lajthitje majtiste”. Faqja gjithashtu përmban një tabelë ku renditen faqeve e mediave për të cilat administrata pretendon se kanë raportuar në mënyrë jokorrekte. The Ëashington Post kryeson listën, e ndjekur nga MSNBC (e riemërtuar së fundmi si MS NOË), CBS Neës, CNN, The Neë York Times, Politico dhe The Ëall Street Journal.