Arratisja nga burgu grek dy ditë më parë i dy shqiptarëve 41-vjecarë ka alarmuar autoritetet greke, pasi bëhet fjalë për dy personazhe të rrezikshëm. Dy të arratusurt janë Romeo Qosja nga Cërriku dhe Lefter Toçi nga Bradasheshi. Ata rezultojnë bashkautorë të disa veprave penale për të cilat akuzohen. Më 31 mars 2016 janë akuzuar për “vrasje me paramendim” dhe “grabitje në bashkëpunim dhe në seri”. Për këto akuza ata janë paraburgosur. Në 21 prill 2016 janë akuzuar për “pjesëmarrje në organizatë kriminale” dhe “grabitje”, por pasi kanë tejkaluar afatet e qëndrimit në paraburgim të dy janë lënë në detyrim paraqitje në 2017. Pas lirimit me kusht nga burgu dhe madje disa ditë dyshja rezulton të ketë kryer edhe një tjetër grabitje me armë në një vilë luksoze të një biznesmeni grek, ku kanë terrotizuar këtë të fundit, bashkëshorten dhe fëmijët e tyre, i kanë dhunuar e më pas grabitur mijëra euro e sende me vlerë. Romeo Qosja dhe Lefter Toçi ndodheshin në burgun e Kassavetias prej vitit 2019 dhe mbaheshin në një zonë të parrethuar për shkak të sjelljes së mirë. Ata rezultojnë të kenë marrë 5 leje gjatë vitit 2024. Mesa duket kanë përfituar nga kthimi i tyre nga leja disa ditë më parë, për të planifikuar arratisjen. Për shkak të rrezikshmërisë së tyre, policia greke ka nisur kontrollet intensive në gjithë Greqinë.