Top Channel/ Kurti takim me ambasadorët në Kosovë, Hovenier: Të çohet përpara zbatimi i marrëveshjes

Të hënën kryeministrin e Kosovës, Albin Kurtin e vizituan në zyrë ambasadorët e akredituar në Kosovë. Ata i shkuan Kurtit me kërkesë specifike, bashkëpunim në themelimin e asociacionit të komunave me shumicë serbe. “Kemi një kërkesë të qëndrueshme ndaj kryeministrit që të punojë me ne për të përmbushur detyrimet që ka marrë Kosova, për të zbatuar Asociacionin e komunave me shumicë serbe që është pjesë e gjithë këtij procesi, dhe sot me kryeministrin të gjithë biseduam me të për rëndësinë për të cilën ai u pajtua për të çuar përpara zbatimin si të marrëveshjes bazë, të gjithë elementëve të saj, ashtu edhe të aneksit të zbatimit”, tha Jeffrey Hovenier, ambasador i SHBA-së, Kosovë.