Kryeministri i Kosovës, Albin Kurti u shpreh në një intervistë për “Pobjeda”, se ndaj vendeve që dolën nga shpërbërja e Jugosllavisë, Serbia po sillet në mënyrë paternaliste dhe hegjemoniste, tamam si një “Rusi e vogël”. “Serbia në Ballkanin Perëndimor po sillet si Rusia me fqinjtë e saj: entitetin boshnjak-hercegovinas Republika Srpska po përpiqet ta shndërrojë në Bjellorusi dhe Malin e Zi në Ukrainë. Në thelb, Serbia nuk e njeh shtetësinë e vendeve jashtë BE-së – Bosnjë dhe Hercegovinën, Malin e Zi, Kosovën, madje edhe Maqedoninë e Veriut.