Gazeta New York Times i ka kushtuar një artikull të gjatë protestave në Serbi përfshi sjelljen e presidentit Vucic për tensionet në veri të Kosovës. “Tensionet në Kosovë e ndihmojnë vetëm Vuçiçin duke ngjallur pasionet për territorin që shumica e serbëve e shohin si pjesë të vendit të tyre”. Kështu deklaroi për New York Times, Milomir Mandiqit, menaxher i përgjithshëm i grupit “Demostat”. “Kurti vazhdimisht po e ndihmon Vuçiçin”- shtoi për NYT, Pavle Gërboviqi, deputet i opozitës në Serbi, anëtar i Lëvizës së Lirë të Qytetarëve, i cili ka ndihmuar për organizimin e protestave në Beograd. “Askush në skenën politike serbe nuk ka bërë më shumë për pozicionin e Serbisë në Kosovë dhe për Vuçiçin se Kurti”- tha ai. New York Times sjell edhe një sondazh nga Demostat, prej të cilit gjetjet tregojnë se vetëm 3% e serbëve kanë admirim për SHBA dhe kërkonin marrëdhënie të mira. Në kontrast me këtë 32 e tyre mbështesin Unionin Europian bashkë me vendet Skandinave sikurse edhe një mbështje të madhe për Rusinë. Diplomatë të lartë amerikanë e evropianë shkruhet në artikull kanë shprehur zemërim për atë që e shohin si provokim nga Kosova, Serbia është argëtuar që po trajtohet si partnere e rëndësishme.