Albin Kurti insistoi se Kosova i ka përmbushur të gjitha kërkesat e Bashkimit Europian për heqjen e masave kufizuese që blloku ka vendosur ndaj Kosovës. Mesazhi mes rreshtash i kryeministrit ishte se Brukseli, praktikisht, nuk ka më arsye përse të vijojë me masat në fjalë, aq me tëpër në kohën kur javën e kaluar BE-ja miratoi Planin e Rritjes ekonomike – në vlerë prej 6 miliardë eurosh – për Ballkanin Perëndimor, i cili një ndër synimet ka edhe përshpejtimin e anëtarësimit të rajonit në bllok.