Pas numërimit të 99.17% të vendvotimeve, vazhdon të prijë, Lëvizja Vetëvendosje. Nga vota e 799,954 qytetarëve, kjo parti del fituese e zgjedhjeve me 40.83% të votave të fituara. Si forca e dytë politike në Kosovës del Partia Demokratike e Kosovës me 22.15%. E partia e tretë doli Lidhja Demokratike e Kosovës me 17.59% Ndërkohë që koalicioni mes Aleancës për Ardhmërinë e Kosovës dhe NISMA-s renditet i katërtit me 7.47%. Pa u numëruar votat e diasporës, ato me kusht dhe votat e personave me nevoja të veçanta, Lëvizja Vetëvendosje edhe në një mandat tjetër do të ketë shumicën parlamentare, me 47 ulëse në Kuvendin e Kosovës. Partia Demokratike e Kosovës do të ketë rritje në 25 mandate e 20 deputetë do ketë LDK-ja. Ndërkohë koalicioni AAK-NISMA do ketë tetë ulëse. 9 nga dhjetë mandatet e rezervuara për komunitetin serb i ka siguruar tashmë Lista Serbe, derisa një prej tyre është diskutabil nëse do të sigurohet nga partia e Ministrit për Komunitete dhe Kthim, Nenad Rashiqit.