E enjtja i gjeti në takime të ndara kryeministrin e Kosovës Albin Kurti dhe presidentin serb Aleksander Vucic me presidentin francez Macron i cili mori rolin e ndërmjetësit. Shpresat ishin që palët të uleshin të gjithë së bashku në tavolinë për të zbutur tensinet në veri, por vucic doli nga zyra e macron duke thenë se nuk beson se do të ketë një takim me kurtin. "Nuk ka arsye për të qenë optimist me Prishtinën. Macronit i thashë se ne po kërkojmë vetëm targa neutrale ndaj statusit, siç është në marrëveshje", tha Vuçic. Ndërkohë liderët e Kosovës në një deklaratë pas bisedës thanë se para Macron konfirmuan përkushtimin e tyre për paqe dhe stabilitet si dhe kërkuan përmbylljen e dialogut me Serbinë me njohje reciproke. Kurti dhe Osmani kanë folur për zhvillimet e fundit në Veri dhe kanë përmendur tendencat destabilizuese të Beogradit, përmes fuqizimit të strukturave ilegale dhe frikësimit të qytetarëve serbë. Ndërsa sa i përket propozimit franko-gjerman, kanë deklaruar se shërben si bazë e mirë për diskutime të mëtejshme. krerët e shtetit kanë kërkuar që mbështetja e Francës të vazhdojë edhe për anëtarësimin e Kosovës në Këshillin e Evropës, pastaj në programin e Partneritetit për Paqe, si hap i parë drejt anëtarësimit të plotë në NATO si dhe aplikimin e Kosovës për anëtarësim në Bashkim Evropian dhe organizata të tjera ndërkombëtare. Pamjet: AFP