Bekim Sejdiu, i propozuar nga Lëvizja Vetëvendosje dhe Lidhja Demokratike e Kosovës, nuk e siguron kuorumin prej 80 votash për t’u zgjedhur si president, pasi gjashtë deputetë të LDK-së nuk e mbështesin. Pas këtyre zhvillimeve, Albin Kurti e Lumir Abdixhiku janë takuar në Kuvendin e Kosovës, siç thanë ata për të diskutuar për këtë çështje. Pas takimit foli vetëm kryetari i LDK-së që tha se e njoftoi Kurtin për pamundësinë për të zgjedhur presidentin dhe deklaroi se vendi është drejt zgjedhjeve. Fatkeqësisht, fatkeqësisht, me aq sa po shoh, me pozicionet e bëra publike po krijojmë një situatë të pamundësisë numërike për të gjetur zgjidhje Me të përfunduar takimin me Abdixhikun, Albin Kurti ka shkuar në takim me deputetët përfaqësues të minoriteteve jo-serbe, me të cilët tha se i njoftoi mbi zhvillimet e fundit, derisa tha se do të vazhdojnë përpjekjet për të mos shkuar në zgjedhje. Sa i përket takimit me Lumir Abdixhikun, Kurti tha se biseduan për rrugën përpara.