Halil Lala në zgjedhjet e 26 Majit 1996 garonte për deputet në Mat nën siglën e PS. Megjithëse kanë kaluar 25 vite, e ka të freskët masakrën elektorale të asaj dite orkestruar dhe dirigjuar nga Sali Berisha. Halili: Verdikti që dha OSBE ODIHR ishte i prerë “nuk kishte asnjë nen të rregullave zgjedhore që nuk u shkel” tha krye-vëzhguesja e atyre zgjedhjeve. Dy ditë më pas nga e diela e zezë e atyre zgjedhjeve, socialistët zgjodhën të protestojnë në sheshin Skënderbej me qëllimin sensibilizimin e opinionit ndërkombëtare për grabitjen e zgjedhjeve nga Sali Berisha. Në shesh u përballën me brutalitetin dhe dhunën e policisë nën drejtimin e Agim Shehut. Kjo foto e shkrepur nga fotoreporteri Armando Babani, e publikuar në shumë gazeta ndërkombëtare, tregon se dhunës policore atë ditë nuk i shpëtoi edhe një gazetar spanjoll i cili u mor në mbrojtje nga një djalë që shoqëronte Servet Pëllumbin. Dhunës nuk i shpëtoi as Erion Brace atë kohë gazetar. Megjithëse i dërrmuar nga shkopinjtë e gomës që e gjakosën, në faqet e parë të Zërit të Popullit publikoi shkrimin me titull “SALI BERISHA SHIHE KRIMIN TEND NE FYTYREN TIME!”. Edhe Halil Lala pati të njëjtin fat. 26 Maji i vitit 1996 ishte fillimi i shkatërrimit të institucionit të zgjedhjeve në Shqipëri nga pushteti. Deri në atë moment Shqipëria kishte realizuar zgjedhje gjerësisht të pranueshme dhe të pakontestuara. Por frika nga humbja e pushtetit që po pasuronte me shpejtësi një kastë të re politikanësh i detyroi këta të fundit të përdornin dhunën për të mbajtur pushtetin.