Mediat britanike I janë rikthyer edhe njëherë çështjes së emigrimit të të rinjve shqiptar drejt Mbretërisë së Bashkuar. Përmes një reportazhi të gjatë, Daily mail, ka sjellë një panoramë të gjerë të qytetit verilindor të Kukësit, ku specifikon se adoleshentët ende nuk kanë hequr dorë nga ëndrrat e tyre, pavarësisht se qeveria britanike po financon një program prej 8.4 milionë paundësh për t’I inkurajuar ata të qëndrojnë në shtëpi. Sipas Daily Mail, pavarësisht fushatës së gjerë sensibilizuese që po zhvillohet në këtë zonë, varfëria dhe mungesa e punësimit po vijon të nxit largimin e të rinjve; ndërsa të vetmit që qëndrojnë janë të moshuarit. Dardani një I ri 15-vjeçar tregoi për median britanike se ai do ta provojë mundësinë që të emigrojë drejt Anglisë pavarësisht kostos së lartë. Dhe se profesioni që do të ushtrojë do të jetë ai I elektricistit. Të njëjtin mendim ndau edhe Fjoli Zhubi. Një 17-vjeçar që është drejt përfundimit të një kursi 3-vjeçar për mekanik. Ai sqaroi se mundësitë për të gjetur një punë janë 50 me 50 e kjo gjë po e nxit që të provojë shanset drejt shtetit ishullor. Sipas Daily Mail, shifrat zyrtare tregojnë se numri i shqiptarëve që kërkonin azil në Britaninë e Madhe u rrit në afro 16,000 vitin e kaluar. Një pjesë e madhe e të cilëve mbërritën me varka nga La Manshi. Por edhe pse dy qeveritë kanë rritur bashkëpunimin për frenimin e emigracionit, kjo gjë do të jetë e vështirë pasi banorët e rinj të Kukësit këmbëngulin se do të vijojnë të rrezikojnë edhe jetën për udhëtimin e rrezikshëm, shkruan Daily Mail.