Parlamenti i Shqipërisë organizoi konferencën “30 vite partneritet dhe progres: Shqipëria, Këshilli i Europës dhe Komisioni i Venecias” nga ku Gianni Buquicchio presindent nderi dhe përfaqësues i posaçëm i komisionit te Venecias i kërkoi politikës shqiptare bërjen kujdes sa herë hedhin idenë e ndryshimeve kushtetuese. Gianni Buquicchio-“Ligji themelor qëndron në bazë të shtetit dhe nëse bazat janë të paqëndrueshme e gjithë ndërtesa është gjithashtu e paqëndrueshme. Unë e vë theksin tek stabiliteti kushtetutës sepse është një element qendror i parimit të sigurisë juridike. Rregullat e lojës nuk duhet të ndryshohen në bazë të interesave të lojtarëve apo disa prej tyre. Nëse parashikohen ndryshime ato duhet të përqendrohen në rekomandimet e organizatave ndërkombëtare”. Kryeministri Edi Rama e vlerësoi Venecian si një “autoritet i cili e ndihmoi Shqipërinë ta ketë busullën në drejtimin e duhur dhe një partner i pazëvendësueshëm, që do të vijojë të jetë pikë referimi”.