Top Channel ka siguruar pamjet e momentit të rëndë të përplasjes së një punonjësi policie në Durrës nga një automjet. Siç shihet edhe në video, polici ka qenë duke kaluar nga njëra anë e rrugës, në anën tjetër, sipër vijave të bardha, por automjeti ka ardhur me shpejtësi skëterrë duke e hedhur në ajër. Ngjarja u regjistrua të enjten rreth orës 6:35 në lagjen nr. 8 të qytetit bregdetar, para godinës së policisë. Efektivit të policisë së Durrësit iu dha ndihma e menjëhershme, ndërsa fatmirësisht gjendja e tij shëndetësore nuk është e keqe Sot ne spital atë e vizitoi edhe ministri Taulant Balla që tha se ka propozuar një paketë me ndryshime ligjore për ashpërsimin e dënimit për shkelësit e qarkullimit rrugor, pranë shkollave institucioneve dhe qendrave te banuara. Policia e Durrësit e shoqëroi shoferin që shkaktoi aksidentin, ndërsa nga hetimet e para ka rezultuar se ai e drejtonte automjetin në gjendje të dehur.