Autoriteti Kombëtar për Sigurinë Kibernetike u bën thirrje përdoruesve të ËhatsApp të tregojnë kujdes, pas raportimeve për llogari të komprometuara në rajon. Në disa raste, përdoruesit kanë humbur aksesin, ndërsa autoritetet po hetojnë se si janë marrë nën kontroll llogaritë. AKSK këshillon aktivizimin e verifikimit me dy hapa te cilësimet e ËhatsApp-it dhe kontrollin e rregullt të pajisjeve të lidhura me llogarinë. Çdo pajisje e panjohur duhet shkëputur menjëherë. Përdoruesit nuk duhet t’ia japin askujt kodin e verifikimit, fjalëkalimin apo të dhënat e llogarisë, edhe nëse kërkesa duket se vjen nga një person i njohur. Autoriteti paralajmëron gjithashtu të mos hapen lidhje të dyshimta të marra me mesazh ose email. Nëse merrni papritur një kod për regjistrimin e ËhatsApp-it në një pajisje tjetër, mos e ndani dhe mos e miratoni kërkesën. AKSK rekomandon edhe mbrojtjen e adresës së email-it të lidhur me llogarinë, përmes një fjalëkalimi unik dhe autentikimit me shumë faktorë. Në rast se humbni aksesin, përdorni vetëm kanalet zyrtare të ËhatsApp-it për rikuperim.