Gjykata e Lartë në Shtetet e Bashkuara u duk e gatshme të martën të refuzojë kufizimet e vendosura nga një gjykatë e Apelit për një pilulë aborti të përdorur gjerësisht në Shtetet e Bashkuara. Dhjetëra demonstrues u mblodhën jashtë ndërtesës së drejtësisë ndërsa gjykata më e lartë e vendit dëgjoi rastin e parë të rëndësishëm të abortit që kur gjykatësit përmbysën të drejtën kushtetuese për procedurën gati dy vjet më parë. Shumica në gjykatën e dominuar nga konservatorët u tregua skeptike gjatë 90 minutave dëgjesë, ku folën grupet kundër abortit dhe mjekëve që ngritën çështjen kundër pilulës që ndërpret shtatzaninë. Kundërshtarët e abortit kërkojnë të kufizojnë më tej aksesin e përdorimit të kësaj pilule, duke pretenduar se është e pasigurt. Me vendimin e mëparshëm të gjykatës së Apelit u reduktua periudha gjatë së cilës mund të përdoret pilula e abortit. Nga 10 javët e para të shtatzanisë, gjykata vendosi përdorimin e saj deri në javën e shtatë. Po ashtu bllokoi dërgimin e tij me postë dhe kërkoi që pilula të përshkruhet dhe administrohet nga një mjek. Të gjitha këto kufizime janë parë me skepticizëm nga gjykatësit e lartë, vendimi i të cilëve pritet me shumë interes nga miliona amerikanë. Pamjet; AFP