Organizata Ndërkombëtare për Migrantët njoftoi se kufiri mes Shteteve të Bashkuara dhe Meksikës përbën rrugën tokësore më vdekjeprurëse në botë për migrantët. Sipas kësaj agjencie me bazë në Gjenevë, 686 migrantë janë regjistruar të vdekur apo të zhdukur, një shifër 8 për qind më e vogël se ajo e vitit të kaluar, megjithëse pretendohet se ka pasur edhe raste të paregjistruara. Organizata Ndërkombëtare për Migrantët po mban të shënuara të gjitha rastet që nga viti 2014, ku në total vitin e kaluar ka pasur më shumë se 1400 persona të vdekur, të cilët kanë tentuar të kalojnë kufirin. Shumë meksikanë shohin si zgjidhjen e vetme për kapërcimin e varfërisë kalimin e Kufirit, drejt SHBA-së, duke përdorur çdo rrugë të mundshme. Gjithashtu në kampet që ndodhen në kufi ka pasur mbingarkesë, përshirë edhe trazirat, të cilat kanë përfshirë shumë migrantë. Një pjesë e tyre kanë përfunduar edhe në dëmtimin e vendstrehimeve, pjesa më e madhe nga zjarret. Që prej fillimeve, agjencia ka regjistruar 58.447 viktima dhe të zhdukur, por shifra më e lartë e viktimave brenda një viti është regjistruar në Detin Mesdhe. Vitin e kaluar, mbi 2.400 persona të vdekur dhe të zhdukur janë regjistruar në brigjet e Mesdheut. Vetëm këtë vit janë regjistruar 2.325 raste të vdekjeve nëpër udhëtimet nga vendet e treta, drejt atyre më të zhvilluara. Shumë prej tyre kanë marrë rrezikun për të mundësuar kalimin në det, e më pas mbërritjen në vendet si Britania, Gjermania dhe Greqia, nën synimin për të ardhura më të mira. Pamjet: AFP