Paul Pelosi, bashkëshorti i kryetares së Dhomës së Përfaqësuesve, Nancy Pelosi, u sulmua dhunshëm me çekiç brenda shtëpisë së tij, këtë të premte nga nje person identiteti i të cilit ende nuk është bërë i njohur për mediat. Hetimet e deritanishme tregojnë se në fakt nuk ishte biznesmeni shënjestra e autorit, por nancy pelosi. Mediat amerikane raportojnë se pasi burri ka hyrë befasisht në shtëpi, ka bërtitur "Ku është Nancy; dhe pas kësaj është përballur me bashkëshortin e pelosit, të cilin e ka qëlluar me një çekiç. 82 vjeçari, menjherë pas sulmit, u shtrua në spital, por gjendja e tij është e mirë. Policia e kapitolit në një deklaratë tha se ata po ndihmojnë FBI-në dhe Policinë e San Franciskos "me një hetim të përbashkët" për të zbardhur ngjarjen në rezidencën Pelosi . Sipas deklaratës agjentët specialë "arritën shpejt në vendngjarje, dhe kapën autorin, i cili po merret në pyetje . sulmi ngre pikëpyetje në lidhje me sigurinë e anëtarëve të Kongresit dhe familjeve të tyre pasi kërcënimet ndaj ligjvënësve janë në nivelin më të lartë të të gjitha kohërave, dy vjet pas kryengritjes së dhunshme në Kongresin Amerikan. Sulmi ndodhi, gjithashtu, vetëm 11 ditë përpara zgjedhjeve të pjesshme, në të cilat krimi dhe siguria publike janë shfaqur si shqetësimet kryesore në mesin e amerikanëve.