Një 40 vjeçar u gjet i pajetë në banesën e tij mbrëmjen e së shtunës në Ksamil, por prokuroria e Sarandës nisi hetimet, duke mos lejuar familjen ta varrosë. Top Channel mëson se 40 vjeçari Gerti Kallojeri kishte rreth katër ditë që kishte ardhur nga Greqia ku punonte prej vitesh. Ka qenë nëna e tij ajo që e ka gjetur të birin të pajetë në shtëpi mesditën e së shtunës. Pas konstatimit familjarët e 40-vjecarit nuk njoftuan as spitalin dhe as policinë për të përcaktuar shkakun e vdekjes së tij, por vetëm sherbimin funeral. Në një kohë që pritej ceremonia mortore këtë të diel dhe në kushtet kur nuk kishte asnjë raport mjekësor që të lejonte varrimin e 40 vjeçarit, Prokuroria e Sarandës dhe policia ndaluan varrosjen e të ndjerit. Hetuesit shkuan në banesën e familjes Kallojeri banesë për të ndjekur nga afër rastin, duke urdhëruar edhe transportimi i trupit të 40-vjeçarit me ambulancë drejt Institutit të mjekësisë ligjore në Tiranë për ekspertizë.