Në pamjet ajrore shihen zona të kryeqytetit libian Tripoli para zgjedhjeve presidenciale që pritet të zhvillohen të premten më 24 dhjetor. Libia është vendi i copëtuar nga dekada lufte të nisura prej trazirave të vitit 2011 ku u vra lideri vjetër Muamar Gadafi. Pas një armëpushimi të dobët në fund të 2020 OKB ka bërë thirrje për zgjedhje, si pjesë e përpjekjes për arritjen e paqes. Një grup kandidatësh libianë dyshonin për realizimin e votës dhe thanë sot se presin që zgjedhjet të shtyhen. Zgjedhjet e të premtes pritet të finalizojnë përpjekjen e drejtuar nga OKB për arritjen e paqes pas disa dekada konflikti. Dje 17 kandidatë lëshuan një deklaratë të përbashkët ku thonin se shtyrja e zgjedhjeve është thuajse e pashmangshme. Grupi nxitën komisionin elektoral të "tregonte arsyet e dështimit të zgjedhjeve në datën e caktuar", dhe kërkonin publikimin e listës finale të kandidatëve. Një seri paqartësisht kanë penguar zhvillimet zgjedhore, si ligji i kontestuar elektoral dhe mosdakordësia për pushtetet e qeverisë së ardhshme. Mes kandidatëve janë lideri ushtarak lindor Khalifa Haftar, si dhe Seif Al-Islam Kadhafi, biri i diktatorit të vrarë Muamar Kadafi.