Skelete gjigantë, kostume shumëngjyrëshe, muzikë mariaci dhe kërcimtarë tradicionalë mbushnin sot qendrën e Mexico City. Parada e Ditës së të Vdekurve u rikthye për herë të parë që prej nisjes së pandemisë. Mijëra njerëz, duke përfshirë vendas dhe turistë kishin mbushur itinerarin e paradës për të parë procesionin e kukullave dhe kërcimtarëve performues. Imazhet i bënin homazh kulturës e traditave meksikane, mes të cilave ushqimit të rrugës, shkrimtarëve, ikonave të kinemasë dhe piktores përparimtare Frida Kalo. Më 1 dhe 2 nëntor njerëzit në të gjithë vendin lënë shtëpitë e tyre dhe shkojnë të zbukurojnë varret e të afërmve me lule, kafka e qirinj. Në vitin 2003 Dita e Të Vdekurve iu shtua trashëgimisë botërore të UNESCO. Parada e parë e ketij festivali është mbajtur në 2016, me skelete gjigande që lundronin mes turmave dhe kërcimtarëve me fytyra të pikturuara.