Me faljen e nëntë liderëve separatistë të Katalonjës për tentativën e dështuar të pavaresisë 2017, kryeministri spanjoll Pedro Sanchez tha se kërkon t’i japë fund përçarjeve, për të nisur një epokë të re me qeverinë pro-pavarësi të rajonit të pasur verilindor të vendit. Sanchez njoftoi sot faljet në një fjalim televiziv pasi u tha një grupi të shoqërisë civile në Barcelonë se kabineti i tij qeveritar i ka pranuar. “Ky është vendimi më i mirë për Katalonjan dhe për Spanjën. Ne shpresojmë që të hapet një epokë e re dialogu për ndërtimin e urave të reja të bashkëpunimit”, tha Sanchez. Liderët separatistë janë ende të ndaluar të marrin poste publike, por pritet të lirohen nga burgu pas publikimit të faljeve në fletoren zyrtare të qeverisë. Partitë opozitare kanë thënë se do të sfidojnë faljet në gjyaktë, teksa sondezhat thonë se dhe shumica e qytetarëve të Katalonjës i kanë kundërshtuar. Gjykata e lartë e Spanjës dënoi liderët me burgim në 2019 për shkëputje të jashtëligjshme nga shteti dhe shkelje të tjera, me dënime nga nëntë deri në 13 vjet burg.