Kryeministri Edi Rama nga Italia, ku ndodhet i ftuar nga kryeministrja e Italisë bashkë me liderët e Serbisë dhe Maqedonisë së Veriut dha një mesazh për gjyqin që do të fillojë më 3 prill ndaj ish-krerëve të UÇK-së dhe bashkëluftëtarëve të tyre. Sipas Ramës me të gjithë procesin ka gjëra që nuk shkojnë, ndërsa krahasoi ish-kryeministrin dhe liderin e UÇK-së Hashim Thaçin me presidentin ukrainas Zelensky Njeriu që vetë Presidenti aktual i Shteteve të Bashkuara dhe deri dje një nga figurat kryesore të senatit amerikan Joe Biden e pagëzoi si Xhorxh Uashingtoni i Kosovës, është sot prej tanimë një kohe të gjatë prapa hekurave, i marrë si president në detyrë dhe i mbyllur brenda pa akuzë për një periudhe 1 vjeçare, gjë që është jashtë çdo lloj imagjinate, në raport me të drejtën ndërkombëtare dhe kombëtare dhe do duhet të përballet me një proces, që mua më bën të mendoj mos vallë ky do jetë fati i presidentit Zelenski pas 10 vjetësh. Edhe pse përsëri ka një ndryshim, gjithsesi. Presidenti Zelenski është komandanti i një ushtrie të rregullt, Hashim Thaçi ishte komandanti i një lëvizjeje çlirimtare, e cila mori emrin Ushtri Çlirimtare, por e cila ishte larg së pasuri një zinxhir komandimi të atillë që mund të ngrihen akuza të kësaj natyre. Kryeministri Rama e cilësoi rastësi takimin me presidentin Vucic një ditë përpara gjyqit, ndërsa foli dhe për marrëveshjen e normalizimit mes Kosovës dhe Serbisë