Pas shtimit të trupave nga ana e KFOR në veri të Kosovës, kryeministri Edi Rama tha se e gjithë aleanca euro-atlantike është në gatishmëri maksimale për të mos lejuar përshkallëzimin e konfliktit. Kreu I qeverisë, I cili një ditë më parë kërkoi shtim të trupave nga ana e NATO-s, pohoi gjithashtu se Shqipëria I ka ripërcjellë BE-së edhe njëherë kërkesën që të dal me një qëndrim publik lidhur me grupin e armatosur kriminal që vrau efektivin e policisë së Kosovës por dhe për zinë kombëtare në Beograd për pjesëtarët e asgjësuar të atij grupi. Ndërkohë që pati dhe një mesazh për të gjithë politikanët kritik të Kosovës ndaj tij gjatë këtyre ditëve. “është sa e dhimbshme, aq edhe qesharake, që edhe në këtë situatë kaq serioze për sigurinë në veriun e Kosovës, politikanë me profile publike apo me profile fallco në Prishtinë merren me të tilla manipulime të ulëta emocionesh të qytetarëve të tyre, duke deformuar qëllimisht qëndrimet e mia. Keqardhje për ta, se për trimat e biznesit politik e mediatik të Tiranës, që janë gati t’ia venë zjarrin vetë Kosovës, bashkë me Shqipërinë për përmbysjen imagjinare të “regjimit” tim, nuk kam asnjë sekondë për të humbur!”, shkruajti në platformën X kreu I qeverisë.