Sali Berisha u shpreh i kënaqur me protestën e 8të të opozitës të shtunën duke i quajtur protestuesit ambasadorët më të shkëlqyer. Akuzoi direkt Edi Ramën si urdhëruesin e lëshimit të ujit nga policia në drejtim të tij. Sot, ndihem më i motivuar se kurrë për protestë. Dhe se më nderojnë me targetimin që bën Edi Rama. Ky frikacak i ulët, ky kriminel ordiner, që njëherë nxjerr një bandit për të festuar praninë e liderëve europianë në një atentat ndaj meje. Njëherë tjetër urdhëron një kriminel në timon për të drejtuar topin e ujit. Por ta dijë mirë se Edi Rama nuk ka shpëtim. Teksa zoti Berisha po zhvillonte bashkëbisedimin e përjavshëm online me qytetarët kryeministri Edi Rama po fliste për ditën e europës me kreun e delegacionit të BE në Tiranë Silvio Gonzato ndaj të cilit kryetari PD u shpreh se “sillet si me qenë ambasador i Edi Ramës”. Mbase, ky zotëri, në mënyrë të vërtetuar, vërtetuar, ka transmetuar në Bruksel trillimet më të pavërteta ndaj opozitës. Sikur opozita nuk është për integrimin. Për të mos treguar shumë gjëra të tjera. Ndaj dhe ai ka bërë zgjedhjen e vet. Është unifikuar komplet me Edi Ramën. Raporti i votuar në komisionin për punët e jashtme ne parlamentin europian konstaton një mori të pafundme problemesh që ekzistojnë dhe bën thirrje të adresohen tha zoti Berisha duke theksuar se Edi Ramës i është thënë se një variant është të zhbëjmë të gjithë procesin e integrimit që nga fillimi me Shqipërinë. Por ky variant është rezervë, nuk është vënë menjëherë në lëvizje.