Një 42-vjeçare u arrestua në Krujë pasi vrau foshnjën e saj të sapolindur. Leta Koçi nga fshati Tapizë dyshohet se pasi lindi orët e para të mëngjesit të së hënës në ambientet e banesës së saj, e futi foshnjën në një qese dhe më pas e hodhi në bregun e lumit të Tapizës. Kjo me pretendimin se kishte lindur e vdekur. Shtatëzania e 42-vjeçares, e cila ka dhe fëmijë të tjerë, nuk dihej nga bashkëshorti si dhe familjarët e tjerë. Madje dhe vetë ajo, sipas burimeve, pohoi para hetuesve se nuk ishte në dijeni të faktit që priste një fëmijë. Burime pranë grupit hetimor thanë se Leta Koçi e bëri lindjen në tualet. E më pas ndërmori aktin e rëndë duke e hedhur anës lumit. Për shkak të problemeve shëndetësore ajo u paraqit më pas në spital për ndihmë mjekësore ku dhe më pas tregoi për rastin. Menjëherë hetuesit shkuan në vendngjarje dhe morën dëshmitë e para të familjarëve me qëllim sqarimin e plotë të rrethanave të ngjarjes. 42-vjeçarja akuzohet për veprën penale “Vrasja e Foshnjës”