Të paktën 30 kapakë pusetash janë grabitur në Kent, shkruajnë mediat vendase, të cilat e përshkruajnë me habi një zhvillim të tillë. Policia është vënë në gjurmët e hajdutëve, të cilët besohet se ishin veshur si punëtorë në momentin që kanë kryer goditjen. Ajo po kërkon informacione nga banorët, duke i bërë thirrje të tregojnë cdo lëvizje të dyshimtë që kanë parë në zonë. Incidenti ndodhi në një rrugë të vetme, në Knoll Lane. Mendohet se personat që vjedhin kapakët e pusetave i përdorin ato që t`i shesin më vonë për skrap. Në vendet perëndimore, ndëshkimi nuk është shumë i lartë, por në Kinë kjo konsiderohet shkelje e rëndë. Vitin e kaluar, organet më të larta gjyqësore në vend paraqisën masa të ashpra ndëshkimore kundër njerëzve që dëmtojnë apo vjedhin kapakët e pusteve. Dënimi më i madh atje për një veprim të tillë, është ai me vdekje, sepse konsiderohet që lëvizja e kapakëve të hekurt rrezikon transportin dhe sigurinë publike.