Kreu i Vëllazërisë Ungjillore të Shqipërisë, Ergest Biti ka uruar besimtarët që kremtojnë Pashkët Katolike. Në një mesazh drejtuar besimtarëve të krishterë, Biti tha se Pashkët kanë të bëjnë edhe me të shkuarën tonë, të tashmen dhe të ardhmen si dhe jetën pas vdekjes. Ai theksoi se pavarëisht shqetësimeve, vështirësive me të cilat besimtarët përballen gjatë jetës, paqja që sjell Jezu Krishti, i fton njerëzit të festojnë të gjithë bashkë të mirat e ofruara në botën tonë.