Tik taku i finalizimit të garës për kryeprokurorin e ri të SPAKUT ndihet edhe më fort në prag të intervistimit të 4 kandidatëve. Në orën 9 të mëngjesit të së enjtes zhvillohet etapa përfundimtare e përzgjedhjes së zëvëndësuesit të Altin Dumanit. Pretendentët janë prokurorët Adnand Xholi, Klodian Braho, Elvin Gokaj dhe Doloreza Musabelliu, për herë të parë një grua aspirante për të marr drejtimin e Strukturës së Posacme Antikorrupsion. Ky proces do të mbikqyret nga ndërkombëtarët. Zv.drejtori për Çështjet e Europës Perëndimore Qendrore, Lyn Debevoise zhvilloi tw mwrkurwn një takim në SPAK me Altin Dumanin. Lajmi u nda nga Ambasada e SHBA përmes një postimi në rrjetet sociale. “Përballja me krimin ndërkombëtar kërkon një angazhim të përbashkët. Sot, Zëvendësdrejtori për Çështjet e Europës Perëndimore Qendrore Lyn Debevoise vizitoi SPAK-un për të shprehur vlerësimin e Shteteve të Bashkuara për punën e Kryeprokurorit të Posaçëm Altin Dumani. Përpjekjet e z. Dumani vendosën standardin për bashkëpunim të fortë mes Shteteve të Bashkuara dhe Shqipërisë kundër organizatave kriminale ndërkombëtare, i cili shpresojmë se do të vazhdojë me pasardhësin e tij”