Ish-kreu i policisë së Honduras, Juan Carlos Bonilla është ekstraduar në Shtetet e Bashkuara pasi akuzohet si "mbikqyrës" i operacioneve të trafikut të drogës për llogari të ish-presidentit Orlando Hernandez. Ky i fundit u deklarua “i pafajshëm” në një gjykatë në Neë York pasi ishte ekstraduar më herët. Agjencia amerikane anti-droga mori me avion ish-kreun e policisë të njohur ndryshe si "El Tigre" të prangosur, e të shoqëruar nga forca të shumta sigurie, shkruan AFP. Bonilla, i cili ka shërbyer në polici mes viteve 2012 e 2013, është përmendur nga SHBA si "bashkëpunëtor" në trafikun e vellait të presidentit, të dënuar me burgim të përjetshëm në mars 2021. Bonilla "akuzohet se ka abuzuar me pozitën e tij në polici duke luajtur rol thelbësor në trafikun e ndërkombëtar të drogës”. Prokurori i Manhattan, Geoffrey Berman tha se kongresmeni Tony Hernández dhe vëllai i tij, presidenti Bonilla kujdeseshin për transportin e dhjetra ton kokaine drejt SHBA. Bonilla ka thënë më herët se akuzat ndaj tij janë të inskenuara dhe se ai e ka ndërgjegjien të pastër.