“Me një ndjenjë hidhërimi të veçantë u përcjell vëllezërve e motrave të Maqedonisë së Veriut ngushëllimet e mia për tragjedinë e madhe të Koçanit”. Kështu e nis kryeministri Edi Rama ngushëllimin për ngjarjen tragjike në vendin fqinj me Shqipërinë. Jam pa fjalë thotë kryeministri Rama dhe lutem që të lënduarit të shërohen dhe që familjarët e viktimave të gjejnë forcën të përballojnë humbjen e tyre të pangushëllueshme. Më tej në mesazhin e ngushëllimit kryeministri Shqipërisë thotë: “ I përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarë do qoftë ndihma jonë mund të jetë e nevojshme”.