“Epoka kur dominonte motoja –rroga e vogël, fitimi i madh”, do të marrë fund sipas Albin Kurtit. Kryeministri i Kosovës shpjegoi përmes Facebookut se ligji për konfiskimin e pasurive të pajustifikuara ka për të qenë një sukses, e do ti hapë rrugën krijimit të një agjensie të re e të pavarur që do të mundesoje implementimin e tij. Shefi i ekzekutivit kujtoi sesi në zgjedhjet e 14 shkurtit kishte premtuar se do të luftojë korrupsionin dhe krimin e do të konfiskojnë pasurite e siguruara mënyrë të paligjshme. Me kete levizje, tregon se ka në plan t`i mbajë zotimet e marra. “ Drafti që miratuam është hapi i parë drejt ligjit të ri për konfiskimin e pasurisë së paligjshme e të pajustifikuar, ndaj dhe dua t`ju informoj rreth përmbajtjes së tij duke nisur nga përkufizimi i pasurisë së paligjshme. Në kuptimin e ngushtë, e tillë është është pasuria e vendosur në rrugë joligjore, por në një përkufizim më të gjerë, pasuri e paligjshme është çdo pasuri e cila nuk arsyetohet. Shembull i qartë i kësaj, është pasuria e zotëruar nga person që nuk përkon me nivelin e të ardhurave të tij të rregullta mujore dhe veprimeve tjera të ligjshme”, ka shkruar ai. Sipas kryeministrit të Kosovës, vetëm në gjashtë vitet e fundit sekuestrimet kapin vlerën e 180 milionë euro, ndërsa konfiskimet 3.5 milionë euro. “Vendi ynë është i vogël dhe i varfër por qytetarët tanë janë të ndershëm e të përgjegjshëm dhe duan një shtet të drejtë dhe të barabartë”, deklaroi Kurti.