Më 7 gusht ka përfunduar afati kushtetues për konstituimin e Kuvendit të Kosovës. Afati ishte përcaktuar nga aktgjykimi i 26 qershorit të vitit 2025 nxjerrë nga Gjykata Kushtetuese. Gjykata vlerëson se afati 30 (tridhjetë) ditor i përcaktuar nga kushtetutbërësi në paragrafin 1 të nenit 66, nuk mund të trajtohet si afat brenda të cilit vetëm duhet provuar konstituimi i Kuvendit, porse ky afat, në ndërlidhje me përcaktimet në nenin 2, paragrafin 2 të nenit 4, nenin 7, nenin 65, nenin 74, paragrafin 1 të nenit 134, paragrafin 3 të nenit 136 dhe paragrafin 1 të nenit 140 të Kushtetutës, është afat brenda të cilit duhet të konstituohet Kuvendi Por, Lëvizja Vetëvendosje ka një interpretim tjetër, sipas të cilit edhe vitin e shkuar Kuvendi nuk u konstitua brenda afatit 30 ditor. Sipas njohësve të punës së Kuvendit të Kosovës, interpretimi i partisë fituese të zgjedhjeve është keqinterpretim i qëllimshëm.