Top Channel/ Kosova vendos të dielën! Për herë të parë votojnë dhe emigrantët
07/02/2025 19:43

Të dielën e 9 shkurti qytetarët e Kosovës do të votojnë për zgjedhjet parlamentare. Të drejtë vote kanë 2 milionë e 75 mijë 868 qytetarë, brenda dhe jashtë vendit. Procesi organizohet nga Komisioni Qendror i Zgjedhjeve në 38 komuna të Republikës së Kosovës të dhe procesi i votimit është i mundur në 941 qendra të votimit, prej të cilave 38, nga një e tillë për çdo komunë, do të shërbejnë vetëm për votimin me kusht. KQZ të premten ka miratuar planin operacional për ditën e zgjedhjeve. Arianit Elshani – Komisioni Qendror i Zgjedhjeve: “Raportimi për pjesëmarrje në zgjedhje do të bëhet në tre terminë, fillimisht do të bëhet njoftimi për hapjen e vendvotimeve, më pas në orën 11:00 njoftimi për pjesëmarrjen deri në orën 11:00, pastaj dalja deri në orën 15:00 dhe dalja në orën 19:00”. Alban Krasniqi – Komisioni Qendror i Zgjedhjeve: “Nesër në qendrat komunale të numërimit dërgohen në tërësi materiali zgjedhor, pra është proces që po vazhdon dhe do të bëhet rregullimi e sortimi i tyre”. Komisioni Qendror i Zgjedhjeve do të organizojë procesin zgjedhor për herë të parë më tetë shkurt në përfaqësitë diplomatike në 43 vendvotime në kuadër të 16 ambasadave dhe 14 konsullatave të Republikës së Kosovës që janë të vendosura në 19 shtetet të ndryshme të botës. Të drejtë vote kanë 20,324 shtetas të Kosovës të regjistruar si votues jashtë vendit dhe që kanë zgjedhur të votojnë fizikisht. Arianit Elshani – Komisioni Qendror i Zgjedhjeve: “Qendra e parë që do të hapet është ajo në Turqi dhe më e vonshmja që do të mbyllet është ajo në Amerikë dhe Kanada”. Sa i përket materialit zgjedhor që do të transportohet për dhe nga shtetet e ndryshme Komisioni Qendror i Zgjedhjeve ka njoftuar se do të bëhet me kombi bus apo postë diplomatike, pasi ka dështuar arritja e kontratës me postën e shpejtë. Sa i përket mundësive për keqpërdorim gjatë bartjes së fletëvotimeve në Kroaci, ku Prokuroria Themelore e Prishtinës njoftoi se ka nisur hetim ndaj ambasadorit të Kosovës në Kroaci, Martin Berishaj, kreu i KQZ-së, Kreshnik Radoniçi tha se po hetohet e gjithë procedura. Kreshnik Radoniçi – kryetar, Komisioni Qendror i Zgjedhjeve: “Stafi i të gjitha ambasadave është nominuar dhe emëruar nga ne që të jetë pjesë e tërheqjes së tyre, por se si ka shkuar aty procedura saktësisht, nuk e dimë”. Deri më 8 shkurt kanë të drejtë vote edhe 84,600 shtetas të Republikës së Kosovës të regjistruar si votues nga jashtë dhe që kanë zgjedhur votimin me postë. Votën e tyre do të mund ta dërgojnë në kutitë postare të Komisionit Qendror të Zgjedhjeve në 23 shtete të ndryshme të botës dhe në Kosovë.

Top Channel/ Shqiptarët, ushtarë me detyrim në Serbi! Beogradi ka gati ligjin, Lugina e Preshevës kundër
18/09 19:59
Top News- Armët e terrroristëve të Banjskës/ Zbulohet baza në Veri, uniforma, jelekë e kallashnikovë
18/09 15:22
Top News – Thaçi pyeti komandatët e tjerë. Ish këshilltari amerikan i UÇK mbyll dëshminë në Hagë
18/09 15:15
Top Channel/ Policia gjen armë në veriun e Kosovës: Lidhje me sulmin e Banjskës?!
18/09 14:16
Top Channel/ Kosovë, nis votimi i emigrantëve për zgjedhjet lokale të 12 tetorit
17/09 19:39
Top News- Këshilloi Thaçin në Rambuje / Paul Williams, dëshmitari i radhës në Hagë
17/09 15:28
Top News- SHBA flet troç me Kosovën / Dialogu u pezullua nga sulmet e Kurtit ndaj Kushtetueses
17/09 14:52
Top News- Albright ‘kërcënoi’ Thaçin / Dëshmia e Rubin: Presion për të firmosur Rambujenë
17/09 13:36
Top Channel/ “Kjo nuk është drejtësi”, Rubin në Hagë: Albright nuk pati këtë në mendje…
16/09 14:59
Top News- ‘Prokurorët na fshehën provat’/ Mbrojtja e Thaçit akuza gjatë procesit në Hagë
16/09 11:36
Top News- Gjermania ‘i tërheq veshin’ Kosovës, Berlini mesazh qeverisë në detyrë Kurti
15/09 22:14
Top Channel/ “Akuzat ndaj Thaçit fabrikim rus”! James Rubin dëshmon pro liderëve në UÇK
15/09 19:46
Top Channel/ SHBA tjetër “shuplakë” Kurtit: Na duhet një partner që nuk sjell destabilitet
15/09 19:38
Top Channel/ Gjyqi për Thaçin, i pranishëm edhe ambasadori i Shqipërisë në NATO: Dje foli populli
15/09 18:51
Top News- Zgjedhjet lokale, votimi me postë/ KQZ: Mbërrijnë fletëvotimet, të mërkurën nis procesi
15/09 15:59
Top Channel/ Gjyqi i UÇK në Hagë, mbrojtja paraqet provat. I pari dëshmon James Rubin
15/09 15:45
Top News – Akuzat e NYT në 1999 ndaj Thaçit. Ish zyrtari i DASH: Shpifje, gazetari u shkarkua
15/09 15:01
Top Channel/ Dëshmia e Rubin në Hagë, Krasniqi: Dëshmi e qartë se lufta jonë ishte e drejtë!
15/09 14:37
Top Channel/ James Rubin dëshmon pro Thaçit, tregon njohjen me liderin e UÇK-së
15/09 12:18
Top News- Dëshmia e ish zyrtarit të DASh për Thaçin/ Nga djalë i ri në vështirësi, në kryeministër
15/09 11:42