Gjashtë nga 18 deputetët e Lidhjes Demokratike të Kosovës nuk i kanë dhënë mbështetje kandidaturës së Bekim Sejdiut për president. Avdullah Hoti, Hykmete Bajrami, Armend Zemaj, Arben Gashi, Kushtim Shala e Janina Ymeri kundërshtojnë çdo marrëveshje të LDK-së me Lëvizjen Vetëvendosje, përkundër vendimit të kryesisë së kësaj partie. Të martën, kryetari i LDK-së, Lumir Abdixhiku, pas takimit me grupin parlamentar tha se vendi shkon në zgjedhje për shkak të deputetëve të tij, duke i dhënë fund edhe marrëveshjes me Vetëvendosjen. Në këtë fazë, konsideroj se i bëjnë dëm të pariparueshëm të gjithë procesit dhe pashmangshëm, pa nevojë kemi humbur një mundësi të jashtëzakonshme për Kosovën dhe dërgojnë vendin në zgjedhje Abdixhiku ishte i ashpër ndaj deputetëve të partisë, duke thënë që ka apetite politike, sipas tij të jashtëzakonshme brenda këtij grupi.