Top Channel/ Kosova ndalon qarkullimin e makinave me targa KM të regjistruara në dhjetor e më tej

Kosova nuk do të lejojë hyrjen dhe qarkullimin e automjeteve që kanë targat ilegale serbe KM, e që janë riregjistruar nga dhjetori i vitit të kaluar dhe më tej. Kështu tha Punëve të Brendshme të Kosovës, Xhelal Sveçla, i cili e akuzoi Serbinë se ka shkelur darkordësimin e arritur në nëntor 2022 në Bruksel, për këtë cështje. Ai konfirmoi se disa makina me targa ilegale KM nuk janë lejuar të hyjnë të mërkurën në territorin e Kosovës, pasi siç tha, ato ishin riregjistruar në muajin dhjetor të vitit të kaluar. “Bazuar në dakordimin mes Republikës së Kosovës dhe Serbisë në Bruksel në muajin nëntor 2022, Serbia është pajtuar që të ndalojë prodhimin e targave ilegale dhe riregjistrimin e atyre ekzistuese. Duke u bazuar në rastet që janë paraqitur në pikat tona kufitare, Serbia ka shkelur në tërësi këtë dakordim”, Më herët gjatë 18 dhjetorit, zyrtarët serbë në Beograd dhe Kosovë reaguan lidhur me ndalimin e hyrjes të makinave me targa KM në territorin e Kosovës. Drejtori i Zyrës për Kosovën në Qeverinë serbe, Petar Petkovic, akuzoi Kosovën se po tenton të shkaktojë krizë dhe tensione të reja. Ndërkaq Lista Serbe kërkoi nga faktori ndërkombëtar “të parandalojë” kryeministrin e Kosovës, Albin Kurti, nga shkelja e marrëveshjes për targat, që palët arritën në Bruksel.