Presidentja e Kosovës, Vjosa Osmani, njoftoi se Kosova së bashku me Shtetet e bashkuara të Amerikës duhet të përgatisin draftin për statutin e Asociacionit të komunave me shumicë serbe. Osmani u shpreh se marrëveshja drejt normalizimit të raporteve, që Kosova dhe Serbia arritën gjatë vitit, nuk e duhura për Kosovën por mbetet obligim ndërkombëtar. Sipas saj dyshimet ekzistojnë ende për zbatimin e disa pjesëve të paktit, përkatësisht për sigurimin e vetëmenaxhimit të komunitetin serb dhe zbatimin e pikave të arritura në marrëveshje, përfshirë atë për Asociacionin. “Mendoj se ne duhet të ulemi me SHBA-në, të përgatisim draftin tonë, draftin e Republikës së Kosovës. Fillimisht vetëm me SHBA-në, unë mendoj se kështu është zgjidhja, të ulemi me partnerët tanë amerikanë, të prezantojmë para sekretarit amerikan të Shtetit Antony Blinken dhe përfaqësuesve të tjerë”, u shpreh Osmani. Gjatë intervistës së dhënë për mediat e Kosovës, Osmani foli edhe për dialogun për normalizimin e raporteve me Serbinë. Ajo tha se për të pasur sukses ky proces, që lehtësohet nga BE-ja dhe mbështetet nga SHBA-ja, duhet një përfshirje direkete të Washingtonit. Presidentja sërish akuzoi Serbinë për organizimin e sulmit ndaj Policisë së Kosovës në Banjskë të Zveçanit, ku mbeti i vrarë polici Afrim Bunjaku.