Kosova dhe Serbia arritën më në fund një marrëveshje për cështjen e targave. Përfaqësuesi i Lartë i BE-së për politikë të jashtme, Josep Borrell, njoftoi se Kosova do t’iu japë fund veprimeve të mëtejme të lidhura me riregjistrim të makinave, që ishte gjobitja e qytetarëv, ndërsa Serbia nuk do të lëshojë më targa të makinave me emra të qyteteve të Kosovës. kryenegociatorët e Kosovës dhe të Serbisë, nën ndërmjetësimin e BE-së, kanë rënë dakord për masat, pas një takimi që zgjati me orë të tëra të mërkurën në bruksel, për të shmangur përshkallëzimin e mëtejshëm dhe për t’u përqendruar plotësisht në propozimin për normalizimin e marrëdhënieve mes tyre. Borrell tani ka ftuar palët që në ditët në vijim të diskutojnë hapat e ardhshëm. Takimi në Bruksel është zhvilluar vetëm dy ditë pas një takimi që ka rezultuar pa marrëveshje mes kryeministrit të Kosovës, Albin Kurti, dhe presidentit të Serbisë, Aleksandar Vuçic, lidhur me çështjen e targave. Borrell e ka hedhur fajin sidomos te pala e Kosovës për mosarritje të marrëveshjes më 21 nëntor. Me kërkesë të Shteteve të Bashkuara, Kurti e shtyu për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS - Republika e Kosovës. Teksa më në fund mbremjen e vonë se të mërkurës palaët gjetën gjuhyën e përbashkët për të mos e tensionuar më shumë situatë.