Koreja e Veriut akuzoi Shtetet e Bashkuara të Amerikës se kanë shkelur hapësirën e saj ajrore duke kryer fluturime vëzhguese. Phenjani tha se po tregonte vetëpërmbajtje pasi rezervon të drejtën t’i rrëzojë avionët amerikanë Veprimet provokuese ushtarake nga SHBA-ja po e sjellin gadishullin korean më pranë konfliktit bërthamor, tha një zëdhënës i Ministrisë së Mbrojtjes Kombëtare të Koresë së Veriut Në deklaratë u theksua po ashtu se përdorimi i avionëve dhe dronëve vëzhgues nga Uashingtoni po përshkallëzon tensionet, duke akuzuar Uashingtonin se po dërgon nëndetëse bërthamore pranë gadishullit. Në deklaratë u përmendën edhe incidente në të kaluarën kur Veriu kishte rrëzuar ose penguar avionë amerikanë në kufi. Koreja e Veriut shpesh ankohet që SHBA-ja kryen fluturime vëzhguese pranë gadishullit. Nuk ka pasur reagim të menjëhershëm nga ushtria amerikane që janë të vendosur në Korenë e Jugut. Ushtria e Koresë së Jugut tha se pretendimet e Veriut se i është shkelur hapësira ajrore janë të pavërteta. Ushtria në Seul tha se asetet vëzhguese amerikane kanë kryer fluturime rutinë të vëzhgimit përreth gadishullit, duke shtuar se aleatët punojnë ngushtë për të monitoruar Veriun.