Kopshti zoologjik kombëtar i Kubës njoftonte sot me entuziazem lindjen e rrallë të katër tigrave të shëndetshëm, për herë të parë në 20 vjet, dhe mes tyre një ekzemplar të bardhë, një femër e quajtur Yanek. Kopshti zoologjik i Havanas tha se tigri i parë i bardhë i Bengalit në vend, është një tip super i rrallë që nuk dihet nëse ekziston në botën e egër. Tigresha nënë Fiona, lindi katër këlyshët e saj në mars -- duke përfshirë dhe të bardhin Yanek -- por vetëm tani që ata janë mjaftueshëm të pavarur e mund të prezantohen te publiku duke lozur e duke notuar, si dhe mund të celebrohen si anëtarë të plotë të kontigjentit të kafshëve. "Jemi shumë të lumtur që një tigër i bardhë ka lindur në Kubë, kjo është diçka që ndodh për herë të parë”, tha kujdestari i kafshëve Angel Cordero. Studiuesit i përshkruajnë tigrat e bardhë si të lindur prej "anomalive gjenetike," dhe nuk njihen të tillë që jetojnë në botën e egër. Por në kopshte kujdesi nëpër botë, rriten disa dhjetra.