Kopshti zoologjik i Pragës i ka shpërndarë kafshve të tij të mëdha pemët e pashitura të Krishtlindjeve në formë lodrash apo ushqimi. Rreth 60 pemë u sollën për kopshtin nag dyqanet me të cilat po zbaviten tashmë elefantët, gorrillat dhe hijenat. Kafshët kafshojnë degët gjëmbaçe, kruajnë kurrizin me to ose i lëvizin me këmbë. Kujdestarët thonë se ato janë më shumë një zbavitje sesa ushqim, sidomos për kafshët që nuk janë herbivore. "Ja u kemi dhënë gorrillave, elefantëve, bufalove, bizonëve, hijenave, madje edhe disa zogjve”, tha drejtori i kopshtit Miroslav Bobek. Ai shton se pemët vijnë nga shitësit dhe jo nga shtëpitë pasi mund të përmbajnë objekte të rrezikshme për kafshët. "Nuk marrim pemë të përdorura pasi mund të përmbajnë tela apo mbetje të tjera dekorimesh, të cilat mund të jenë të dëmshme për kafshët”, shtoi zyrtari. Mjetet e reja zbavitese tërhiqnin kuriozitetin e banorëve të kopshtit zoologjik madje elefantët duket se i shijonin si ushqim.