Izraeli dhe militantët e Gazës u përfshinë në shkëmbim zjarri edhe këtë të premte, duke shuar shpresat për sigurimin e një armëpushimi pas luftimeve disa ditore, ku kanë humbur jetën dhjetëra persona. Konflikti i armatosur mes dy vendeve është përballur dhe me thirrjet ndërkombëtare, që kërkojnë ndalimin e menjëhershëm të sulmeve. Izraeli njoftoi se objektiv ishin forcat e Xhihadit islamik në territorin palestinez. Por pavarësisht këtij qëndrimi, AFP tha sulmet ajrore goditën qytetin e Gazës. Dhuna mes dy vendeve shpërtheu të martën kur forcat izraelite vranë tre anëtarë të lartë të grupit militant të Xhihadit Islamik. Po ashtu viktima, nga shpërthimet e raketave mbetën dhe shumë drejtues të tjerë nga radhët e militantëve si dhe civilë të pafajshëm. Sipas raportimeve të paktën 33 palestinezë janë vrarë, duke përfshirë këtu edhe fëmijë. Si pasojë e sulmeve, të dyja grupet ushtarake i kanë urdhëruar banorët që të qëndrojnë të strehuar e të mos dalin në rrugë. Ndërkohë tentativat e Egjiptit për të vendosur një armëpushim mes dy vendeve kanë rënë në vesh të shurdhët pasi Izraeli nuk i ka marrë parasysh. Pamjet: AFP