Luftëtarët armenë në rajonin e Nagorno-Karabakut, sipas Rusisë, kanë nisur të dorëzojnë armët. Po ashtu Kremlini njoftoi se kanë mbërritur ndihma humanitare për 120 mijë armënët ndërsa thekson se bota i braktisi pasi Azerbajxhani mposhti forcat e tyre. Luftëtarët armen të Karabakut, që ndërkombëtarisht njihet si pjesë e Azebajxhanit, u detyruan të deklaronin armëmpushim në 20 shtator pas një operacioni të rrufeshëm ushtarak të nddërmarë nga forcat ushtarake të Azebajxhanit. Autoritetet ruse që kanë negociuar për të vendosur paqen në këtë zonë thanë se të gjitha grupet e armatosura po dorëzojnë pranë paqëruajtësve të saj armatimet. Por sipas Reuters, e ardhmja e Karabakut dhe 120 mijë armenëve etnikë mbetet ende e paqartë. Azerbajxhani synon të integrojë rajonin e ndarë, por armenët etnikë thonë se mund të përballen me persekutim dhe shprehen se ndihen të braktisur nga bota. Armenia humbi luftën me Azerbajxhanin në vitin 2020 për këtë rajon. Por pavarësisht vendosjes së paqes, në këtë zonë kanë qenë të shumta përplasjet dhe tensionet mes dy shteteve.