Parlamenti miratoi me 95 vota pro dhe 1 abstenim nga socialisti Erjon brace ngritjen e komisionit për hetimin e dy koncesioneve në shëndetësi, të sterilizimit dhe check-upit. Ndryshe nga kërkesa e para gjashtë muajve Rithemelimi ka lënë jashtë hetimit parlamentar dy koncesionet e tjera në shëndetësi të Dializës dhe Laboratorëve, të dyja të lidhura me biznesmenin e spitalit amerikan Klodian Allajbeu dhe të gjetur me shkelje nga Kontrollit të Lartë të Shtetit. Nuk ka transparencë dhe asnjë arsyetim nga deputetët për këtë vendim të dyshimtë, pasi në kërkesën e para 6 muajve për ngritjen e komisionit hetimor përfshiheshin te 4 koncesionet në shëndetësi dhe si indicie për hetim citohej raporti i KLSH për abuzimet në koncesionin e dializës dhe laboratorëve që i kushtojnë shqiptarëve 28 milionë euro në vit nga taksat e tyre. Sipas ekspertëve lënia jashtë prej Rithemelimit të këtyre koncesioneve të kapura me shkelje nga KLSH dëmton rëndë integritetin e deputetëve opozitarë.