Mbretëria e Bashkuar dhe Franca u zotuan të rrisin bashkëpunimin për të ndaluar fluksin në rritje të emigrantëve në Kanalin Anglez, sipas Doëning Street, pas një tekefonate të kryeministrit të ri rishi sunak me presidentin francez emmanuel macron. Zyra e sunak tha se dy liderët shprehën angazhim konkrte për të "thelluar" punën e tyre për të penguar "udhëtimet vdekjeprurëse". Edhe më herët ka pasur premtime për të thelluar bashkëpunimin në fillim të tetorit, pasi kryeministrja e atëhershme Liz Truss u takua me zotin Macron në Pragë në fillim të këtij muaji. Dyshja u zotuan për një "paketë ambicioze masash" që do të shpallet këtë vjeshtë. Doëning Street ka refuzuar të japë detaje mbi ndonjë plan të ardhshëm por Sunak thuhet se ka "theksuar rëndësinë që të dy kombet ta bëjnë rrugën e Kanalit krejtësisht të pa aksesueshme për trafikantët". Në vitin 2021, Mbretëria e Bashkuar ra dakord t'i paguante Francës 54 milionë paunde për të rritur patrullimet përgjatë bregdetit verior të Francës. Një raport, në The Times, thotë se Sunak dëshiron të mbyllë një marrëveshje të re me Francën, duke përfshirë objektivat për numrin e anijeve të ndaluara. Pamjet: AFP