Egjipti ka sekuestruar anijen gjigande që bllokoi kanalin e Suezit muajin e kaluar dhe kërkon një kompensim prej 900 milionë dollarësh për dëmet e pësuara. Një gjykatë në qytetin Ismailia I dha dritën jeshile sekuestrimit të “Ever Given” , e cila paralizoi në 23 mars lëvizjen në kanalin e konsideruar si njëra prej rrugëve më të rëndësihme të tregtisë detare në botë, dhe e mbylli atë për pothuajse një javë. Kompania e sigurimeve e anijes, U.K. P&I Club, pohoi në një deklaratë të saj se pronarit të Ever Given, Shoei Kisen Kaisha Ltd. , I ka mbërritur një kërkesë dëmshpërblimi për 916 milionë dollarë. Pavarësisht se ky pretendim është në masë të madhe I pabazë, pronarët dhe kompania vetë kanë nisur negociatat me Egjiptin, dhe po pëergatiten të paraqesin një ofertë bujare, me shpresën se ajo nuk do të refuzohet. Por vendimi për ta sekuestruar anijen, ka qenë shumë zhgënjyes për pronarët e saj. Autoritetet egjiptjane kanë vendosur ta mbajnë anijen aty derisa të paguhet kompensimi, dhe gjatë kësaj kohe, anëtarët e ekuipazhit nuk do të lejohet të dalin nga anija.